I den fyrste boka mi finn du trøystedikt, heiedikt, mammadikt og gråtedikt side om side. Små tekstar om livet, slik det kan vera på godt og på vondt. Om kjærleik og sorg, foreldreskap og venskap – om å vera redd og om å vera trygg.
Eg laga boka i ei stund då eg eigentleg ikkje hadde så veldig tru på meg sjølv. Men orda pressa seg fram og ut, og blei verktøy for å forstå og handtera livet, relasjonar og meg sjølv. Eg trur ho kan vera fin for deg som føler litt ekstra, eller saknar å føla meir. For deg som likar ord som seier det slik det er.
«Jeg har kjøpt den hvite boken. Den er helt magisk fin! Diktene er gjenkjennelige og veldig treffende. Jeg har sitert boken i flere tilfeller, bl.a. i bursdagskort, og vist frem boken til besøk vi har hatt i sommer. Boken anbefales varmt.»
-Mona (40)
Dette er kanskje den av diktbøkene mine som eg har flest tilbakemeldingar på, frå folk i alle aldrar. Mange fortel at dei har lese boka fleire gongar, og finn noko nytt og nyttig kvar gong, som gjev meining inn i eigne liv.
