Saknar du å BERRE VERE?
Kjære deg som saknar å berre vera
Du som ofte har pusten langt oppe i halsen og skuldrene oppe ved øyrene. Som stiller høgare krav til deg sjølv enn til andre, og prøver å dekka alle sine behov, men lett gløymer dine eigne.
Kanskje lengtar du etter litt meir ro. Etter å kjenna kva du treng, og kunna ta ein pause utan at det dårlege samvitet tek heile plassen.
Det var noko av det eg sjølv måtte øva på.
Eg trudde lenge at eg berre måtte skjerpa meg. Etter kvart forstod eg at eg heller trong å lytta. Gjennom samtalar, øvingar og eigne erfaringar fann eg små ting som hjelpte meg å få betre kontakt med meg sjølv.
Noko av dette har eg samla i BERREVERE.

Små øvingar, i ditt tempo
I kursa får du videoar, lydfilar og konkrete øvingar som inviterer deg til å stoppa litt opp og lytta innover. Du kan òg ha skriftleg kontakt med meg undervegs, om du vil.
Du treng ikkje gjera alt eller få det til på ein bestemt måte. Fem minutt kan vera ein fin start. Og treng du ein pause, er det lov.
To måtar å byrja på
BERREVERE – BITTELITT
Eit minikurs på om lag ein halvtime, for deg som er nysgjerrig og vil prøva litt først.
BERREVERE – DEN DU ER
Eit seksvekers kurs med ein ny modul og eit nytt tema kvar veke, for deg som vil ha meir tid og rom til å øva.
Ei melding frå ei som prøvde testkurset
«Eg likar kor ekte og heil ved du er i videoen. Det skapar ein tryggleik i kurset og sjå deg og kor avslappa du virker for oss som ser og høyrer på. Ved å vere «berre deg», kjenner eg på at det gjer godt å gi slepp og «berre vere meg», iallfall øve på det!»
Kven er eg som har laga dette?
Eg er Kristin, utdanna pedagog og gestaltveiledar, og skriv bøker og dikt som berrekristin. Både eigne erfaringar og møta med andre har lært meg kor mange av oss som strevar med å vera rause med oss sjølve.
Eg kan ikkje lova at eit kurs løyser alt. BERREVERE er ikkje terapi eller ei erstatning for hjelp du måtte trenga. Det er eit øvingsrom for å bli litt betre kjend med deg sjølv og det som gjer deg godt.
Du treng ikkje bli ei anna.
Du får øva på å vera den du er.
Klem frå Kristin 💛
